«Astana arlandary» men «Rashn Boksın Tım» arasyndaǵy aıqas bastaldy
ASTANA. QazAqparat Elordadaǵy «Dáýlet» sport kesheninde Búkilálemdik boks serııasy (WSB) jobasynyń besinshi maýsymynyń jartylaı fınalynda «Astana arlandary» men Reseıdiń «Rashn Boksın Tım» komandasy arasyndaǵy kezdesý bastaldy.
Aldymen sharshy alańǵa 49 keli salmaq sanatyndaǵy boksshylar shyǵady. Bul salmaq sanatynda elimizdiń namysyn qorǵaıtyn Temirtas Júsipov Vadım Kýdrıakovpen judyryq túıistirýde. Odan keıin Qaırat Eralıev pen Vladımır Nıkıtın (56 keli), Samat Báshenov pen Grıgorıı Lızýnenko (64 keli), Meıirim Nursultanov pen Sýhrob Sıdıkov (75 keli), Vasılıı Levıt pen Vıtalıı Kýdýhov (91 kelige deıin) sharshy alańǵa kóteriletin bolady. Eki komanda arasyndaǵy qalǵan salmaq sanatyndaǵy boksshylardyń jekpe-jegi erteń ótedi. Bul kúni sharshy alańda Oljas Sáttibaev pen Karen Arýtıýnıan (52 keli), Zakır Safıýllın men Artýr Sýbhankýlov (60 keli), Aslanbek Shymbergenov pen ıAkýb Nýrıev (69 keli), Nurdáýlet Jarmanov pen Edýard ıAkýshev (81 keli), Erkin Muhamedjan men Dmıtrıı Zaıtsev (91 keliden joǵary) aıqasatyn bolady.
