"Astana arlandary" men "Los Angeles Matadors" klýbtarynyń ekinshi jekpe-jegi ótedi

Syrt alańda qarsylastaryna 2:3 esebimen ese jibergen astanalyqtar bul dúbirli dodaǵa ázirligin Almatyda ótkizgen edi. Endi olar 3-qańtardan bastap ony Astanada pysyqtamaq. Sondaı-aq 4-qańtarda komanda sapyna jańadan qosylǵan qostanaılyq Samat Bashenov pen qyzylordalyq Rústem Svaevpen kelisim-shart jasalmaq. 61 kelige deıingi salmaqta baq synaıtyn Samat Ádilet Elgezekov, Mereı Aqshaloqov pen Erjan Músápirovpen, al Rústem 73 keli salmaqqa deıingiler arasynda Dáýren Eleýsinov, Mıras Baıyrhanov, Qanat Іslám men Hýsan Baımatovtyń qataryn tolyqtyrmaq.

Qazirgi tańda "A" tobyndaǵy komandalar arasynda 5 kezdesýdi de óz paıdasyna sheship, 15 upaı jınaǵan "D&G Milano Thunder" komandasy birinshi orynda kele jatyr. Odan keıingi orynda 10 upaımen eki kezdesýde jeńip, úsheýinde jeńilis tapqan "Astana Arlans" (Astana arlandary) tur. Olardan 1 upaıy kem "Los Angeles Matadors" úshinshi orynǵa taban tireýde. Eki kezdesýde ǵana jeńiske jetken "Dynamo Moscow" men "Mumbai Fighters" komandalarynyń qorjynynda 7 upaıdan bar. Top sońyndaǵy "Bangkok" ázirge birde-bir kezdesý ótkizgen joq. Al "V" tobynda 4 kezdesýdi de óz paıdasyna sheshken "Baku Fires" 12 upaımen kósh bastaýda. 1 jeńilisi bar "Leipzig Leopards" - 9 upaı, 2 jeńilisi bar "Mexico City Guerreros" - 7 upaı jınady. Sondaı-aq 3 kezdesýdiń bireýinde ǵana jeńgen "Paris United" - 4 upaı, "Wuxi Dragons -3, al 4 kezdesýde de jeńilis tapqan "Istanbul Bosphorus" 2 upaıǵa ıe.