«Astana arlandary» men «Kýba Domadores» arasyndaǵy sheshýshi syn tikeleı efırde kórsetiledi
ASTANA. QazAqparat - 20-21 maýsym kúnderi Astanadaǵy «Dáýlet» sport kesheninde Búkilálemdik boks serııasynyń (WSB) fınaldyq básekesinde Qazaqstannyń «Astana arlandary» men Kýbanyń «Kýba Domadores» komandalary bas júldeni sarapqa salady.
Eki kún boıy on salmaq boıynsha ótetin tartysty kezdesýde qos eldiń de myqty boksshylary sharshy alańǵa shyǵatyny josparlanyp otyr.
Osy kezdesýdi sport keshenine baryp, óz kózimen kóremin deýshiler men «Astana arlandarynyń» jankúıerleri úshin bıletter satylýda.
Elordamyzda ótetin boks keshin «Habar» telearnasy tikeleı efırde kórsetedi. Bastalýy Astana ýaqytymen 17 saǵat 15 mınýtta. Sonymen qatar Reseıdiń «Boets» telearnasy da Qazaqstan men Kýba boksshylarynyń tartysty jekpe-jegin eki kún boıy tikeleı efırde kórsetetini jóninde málimet jarııalady.
Álem nazary Astanaǵa aýyp turǵan shaqta «Astana arlandarynyń» barsha jankúıerleri Qazaq eliniń namysty jigitteri el abyroıyn asqaqtatyp, jeńiske qol jetkizedi degen senimde.
