«Astana Arlandary» «Los Andjeles Matadors» komandasymen qarymta jekpe-jek ótkizedi

«Alaman» ulttyq sport portalynyń málimetine qaraǵanda, boks básekesi qańtardyń 14-i kúni saǵat 20:00-de Astananyń «Dáýlet» sport kesheninde ótedi.

Esterińizge sala keteıik, jańa maýsymnyń alǵashqy básekesin Amerıkada ótkizgen jerlesterimiz syrt alańda «Los Andjeles Matadors»-tan 2-3 esebimen jeńilip qaıtqan edi.
Osylaısha jańa maýsymdy óte sátsiz bastaǵan «Astana arlandary» artynsha ıtalıandyq «Mılan naızaǵaıy» komandasynan 0-5 esebimen oısyraı utylǵan.
Alaıda, budan keıingi kezdesýlerde bizdiń jigitter namysqa tyrysyp, esin jınap aldy.
Aldymen Astanada Máskeý «Dınamosynyń» aptyǵyn basty (esep 3-2). Artynsha Úndistanda «Mýmbaıdyń joıǵyshtaryn» 5-0 esebimen tas-talqan etip, Táýelsizdiktiń 20 jyldyǵyna tamasha tartý jasady.
Búkilálemdik boks serııasynyń jańa maýsymynda, tek chempıon bolamyz dep maqsat qoıǵan bizdiń sheberler, aldaǵy ótetin myqty matchqa tyńǵylyqty ázirlenip jatyr.

Osy básekede jekpe-jekke shyǵatyndar:
1) 54 kg
Djoet Gonsales VS Danııar Toqbaev

2) 61 kg
Leonıd Malkov VS Mereı Aqshalov

3) 73 kg
Zaal Kvachatadze VS Qanat Islam

4) 85 kg
Sergeı Korneev VS Ramzjon Ahmedov

5) +91 kg
Mohammed Ardjaýı VS Rýslan Myrsataev