«Astana Arlandary» «Los-A­n­djeles Motodorstan» ese qaıtardy. Esep : 4-1!

altynshy kezdesýin «Los Angeles Matadors»  komandasymen ótkizip, amerıkalyq klýbty tize búktirdi. Esterińizde bolsa, buǵan deıin «Astana Arlandary» byltyrǵy 13 qarasha kúni atalmysh klýbpen Los-A­n­djeleste kezdesip 2:3 esebimen utylyp qalǵan edi. Ese qaıtty! «Astana Arlandary»  4-1 esebimen jeńiske jetti.

Boksshylardyń alǵashqy jubynda Danııar Toqbaev Kalıfornııa boks mek­te­biniń túlegi Djoet Gonsalespen sharshy alańda kezdesip, jalpy esep boıynsha - 48 : 47; 47 : 48; 49 : 46 upaıymen WSB aıasynda sharshy alańǵa alǵash ret shyqqan amerıkalyqtyń aptyǵyn basqan bolatyn. Al 61 kelide WSB aıasyndaǵy jekpe-jek­ter­de mol tájirıbe jınaqtaǵan jerlesimiz Mereı Aq­shalov ýkraın boksshysy Leonıd Mal­kov­ty aıqyn basymdylyqpen utty.

Al 73 keli salmaq dárejesinde «Arlandar» komandasynyń kapıtany qazaq boksynyń juldyzy Qanat Silámmen kezdesken grý­zın Zaal Kvachatadze jerlesimizdiń kúrzi soqqysyna shydap tura almady. Amerıkalyq klýb atynan alańǵa shyqqan grýzın boksshysy ekinshi raýndta-aq tehnıkalyq nokaýtqa ketip, judyryqtasýdy jalǵastyrýdan bas tartty.  85 kelide ózbek Ramjon Ahmedov te jaqsy óner kórsetýge tyrysqan sekildi edi. Alaıda, amerıkalyq klýbta óner kórsetetin  belarýs Sergeı Korneev­tiń tájirıbesi  basym ekeni baıqaldy. «Arlandar» sapyndaǵy keshegi kúnniń jalǵyz legıoneri - shymyr deneli ózbek baýyrymyz R. Ahmedov Sergeı Korneevke qansha pármen kórsetkenimen, aılasyn asyra almady. Qorytyndy esep - 47:48. 46:49. 46:49. Degenmen, bul «Astana Arlandarynyń» jalǵyz jeńilisi boldy. Budan keıingi 91 keliden joǵary eń aýyr sal­maq­taǵy Rýslan Myrsataev ta óz qarsylasy marokkolyq Mohammed Ardjaýıdyń  saǵyn syndyrdy. Qaptalda otyrǵan úsh qazynyń ekeýi jeńisti Rýslanǵa berse, bireýi teń esep usynǵan.

Sóıtip, «Astana Arlandary» jarady. Bul jeńis boksshylarymyzdyń shırek fınalǵa shyǵýyna úlken múmkindik beredi. Esterińizge salsaq, búgingi kúni «Arlandar» óz tobynda mılandyqtardan keıingi ekinshi orynda.