«Astana arlandary» komandasynyń alǵashqy kezdesýi búgin «Habar» telearnasynda tikeleı efırde kórsetiledi

Olımpıada oıyndary, sonymen qatar jahandyq jáne halyqaralyq jarystardaǵy Qazaq eliniń boksshylary qol jetkizgen tolaǵaı tabystar álem nazaryn ózine aýdardy. Bizdiń bylǵary qolǵap sheberleriniń jankúıerleri de jyldan jylǵa kóbeıip keledi. Tek qazaqstandyq qana emes, kóptegen sheteldikter de bizdiń sportshylardyń ónerine súısine qaraıtyny jasyryn emes.

Ádette, mundaı boks keshteri «Qazsport» telearnasynan kórsetilip kelgen bolsa, bul joly biraz jankúıer qaı telearna kórsetetinin jáne «Astana arlandary» men «Caciques Venezuela» komandalarynyń kezdesýi qashan bolatynyn bilmeı, áýre-sarsańǵa túsýde.

Sonymen, «Astana arlandary» men «Caciques Venezuela» komandalarynyń kezdesýin búgin «Habar» telearnasy tikeleı efırde kórsetedi. Boks keshiniń bastalýy Astana ýaqytymen 17 saǵat 55 mınýt.

«Astana Arlans» - «Caciques Venezuela» arasyndaǵy alǵashqy kezdesýde jekpe-jekke shyǵatyn boksshylardyń tizimi: 49 keli: Mardan Berikbaev - Ioel Rıvas Fınol 56 keli: Meıirbolat Toıytov - Hose Vısente Dıas 64 keli: Samat Báshenov - Lýıs Martın Arkon 75 keli: Meıirim Nursultanov - Hýan Karlos Rodrıges 91 keli: Vasılıı Levıt - Alfonso Hose Flores