«Astana arlandary» búgin AQSh-tyń «Nokaýtshylar» quramasymen jekpe-jekke shyǵady

Budan buryn "arlandar" osy komandany elimizde 5:0 esebimen oısyrata utqan. Amerıkalyqtardyń sol eseni qaıtarmaq bolyp tisin qaırap júrgeni anyq. Alaıda óz alańyndaǵy keshegi kezdesý amerıkalyqtar úshin sátsiz bastaldy. Jekpe-jek bastalmaı jatyp "arlandar" 2:0 esebimen alǵa shyqty, dep habarlaıdy . BAQ.kz

Sonymen keshe komandalar Amerıkada salmaq ólsheý rásimine qatysty. Jekpe-jek búgin, 1 aqpanda Astana ýaqytymen saǵat tańerteńgi 10-da bastalady.

Qos komandanyń bul jekpe-jekke baptap ákelgeni myna boksshylar:

54 kelide

Habıbýlla-Ismaıl Ahýnov - Braýlıo Avılla Hýares

61 kelide

Samat Báshenov - Hýakın Chaves

73 kelide

Konstantın Snıgýr - Ýılıam Ýılıams

85 kelide

Ehsan Rýzbahanı - Jamel Reınolds

91 keliden joǵary salmaqta

Ishtvan Bernat - Roman Kapıtonenko

Sátin salǵanda, "arlandar" jarys bastalmaı jatyp 2 upaımen alǵa ozyp shyqty.

Birinshi "jeńisti" syılaǵan - komanda kapıtany Samat Báshenov. Bul jeńistiń sebebi Samatpen kezdesýge tıisti amerıkalyq boksshy Erık Faýlerdiń salmaǵynyń artyq bolyp shyǵýy boldy. ıAǵnı, Báshenov pen Hýakınom Chavestiń jekpe-jegi jaı kórsetilim úshin ǵana endi.

Ekinshi "jeńis" Ehsan Rýzbahanıdiń enshisinde. Onyń aldyn ala belgilengen qarsylasy Djemal Bosnıak elinen Amerıkaǵa jete almapty. Osynyń arqasynda Ehsan avtomatty túrde jeńimpaz boldy. Endi onyń osy keshte Jamel Reınoldspen ótetin kezdesýiniń nátıjesi de jarysqa áser etpeıdi.

Sonymen, esep ázirshe 2:0.

"Astana arlandary" klýby saıtynyń habarlaýynsha, jekpe-jekti "El Arna" telearnasy senbi kúni keshkisin kórsetedi.

Esterińizge sala keteıik, "Astana arlandary" bıylǵy maýsymda qarsylastaryn bet qaratpaı utyp keledi. Buǵan deıin 6 kezdesýde jeńiske jetip V tobynda kósh bastap tur.