«Astana arlandary» bir jeńilistiń esesin eki jeńispen qaıtardy
ASTANA. QazAqparat - Atyraýda ótip jatqan «Astana arlandary» men ulybrıtanııalyq «British Lionhearts» arasyndaǵy qarymta aıqastyń ekinshi jáne úshinshi kezdesýi qazaq boksshylarynyń jeńisimen aıaqtaldy, dep habarlaıdy QazAqparat tilshisi.
«Jaıyq» sport kesheninde ótip jatqan boks keshinde ekinshi kezdesý Serik Temirjanov pen Kalým Frenchtiń arasynda ótti. Alǵashqy kezdesýdi Serik pármendi bastaǵanymen, odan keıin qalǵan raýndtarda brıtandyq basymdyǵyn tanyta bildi. Qımyly shıraq Kalým Frenchti baryn salǵanymen, tóreshiler jeńisti Serik Temirjanovqa berdi.
Boks keshiniń kórermenderi naǵyz boksty Asylanbek Shyńbergenov pen Karl Feıldiń arasyndaǵy aıqasta kórgendeı boldy. Alǵashqy eki raýnd teń kóringenimen, úshinshi raýndta aıqas Shyńbergenovtyń tyqsyrýymen ótti. Tipti bir nogdaýn Feıldi eseńgiretip tastaǵan bolatyn. Tórtinshi jáne besinshi raýndta da brıtandyq boksshy jaǵdaıdy ózgerte almady. Qadaý-qadaý soqqylar Feıldi bas kótertpeı, aıqas qazaq boksshysynyń qorjynyna tústi.
Aıta ketsek, alǵashqy kezdesý de (52 keli salmaqta Sáken Bıbosynov pen Ýıl Kaýleı arasyndaǵy aıqas) «British Lionhearts» komandanyń enshisinde ketken bolatyn.
Eske sala ketsek, Búkilálemdik boks serııasynyń jartylaı fınalyndaǵy «Astana Arlans» pen «British Lionhearts» komandalary arasyndaǵy alǵashqy kezdesýde otandastarymyz jeńiske jetken bolatyn. Jartylaı fınaldyq kezeńniń alǵashqy aıqasyn syrt alańda, ıaǵnı Ulybrıtanııanyń Sheffıld qalasynda ótkizgen jerlesterimiz jergilikti boksshylardy 3:2 esebimen utyp, fınalǵa bir taban jaqyndaı túsken.
Jekpe-jek keshi «Habar» arnasy tikeleı efırde kórsetilýde. Búgingi kezdesýde jeńiske jetken komanda kýbalyqtarmen nemese frantsýzdarmen (ekeýiniń arasyndaǵy aıqastyń jeńimpazymen) kezdesedi.
