«Astana arlandary» «Beıjiń aıdaharlaryn» jeńdi - kásipqoı boks
ASTANA. 28 aqpan. QazAqparat - Jeksenbi, 27 aqpanda ótken "Astana Arlans" klýby men qytaılyq "Beijing Dragons" klýby boksshylarynyń kezekti kezdesýi 5:0 esebimen, bizdiń jigitterdiń jeńisimen aıaqtaldy.
«Astana arlandary» men «Beıjiń aıdaharlarynyń» kezdesýi Bokstyń Dúnıejúzilik Serııasynyń (WSB) aıasynda ótti.
54 keli salmaqta Mirjan Rahymjanov Lý Shofangty jeńse, 61 keli salmaqta Erjan Musafırov Fang Lıǵa bas kóterýge eshqandaı múmkindik bergen joq.
Úshinshi jekpe-jekte, 73 keli salmaq sanatynda Qanat Islam «Beıjiń aıdaharlarynyń» brazılııalyq legıoneri Lıma Pedrony aıqyn basymdyqpen jeńdi.
Al 85 keli salmaqta Marat Moldagereev Faıe Assannan basym tússe, asa aýyr salmaqta (91 keliden joǵary) bizdiń ózbekstandyq legıonerimiz Sardor Abdýllaev Ma Chjıhýany tehnıkalyq nokaýtpen jeńdi.
«Astana arlandary» endi basty qarsylastary - «Baký Flaıerspen» kezdesýge daıyndalady.
