«Astana arlandary» Argentına kondorlaryna qarsy kezdesý ótkizedi
ASTANA. QazAqparat - 19 sáýir kúni «Astana arlandary» sharshy alańda Argentınanyń bylǵary qolǵap sheberlerimen kezdesý ótkizedi. Býenos-Aıres qalasynda ótetin jarysqa qatysatyn boksshylardyń quramy belgili boldy.
«Astana arlandary» klýbynyń málimetine súıensek, «Argentina Condors» komandasyna qarsy ótetin jekpe-jektiń ishinde 75 keli salmaqta Álem chempıony Jánibek Álimhanuly osy serııa boıynsha óziniń ekinshi kezdesýin ótkizedi, onyń qarsylasy Krıstıan Zarate bolmaq.
Sonymen, 19 sáýir kúni sharshy alańǵa shyǵatyn boksshylardyń juby:
49 keli : Jomart Erjan - Leandro Zarate 56 keli : Qaırat Eralıev - Djonatan Sanches 64 keli : Samat Báshenov - Lýkas Hımenes 75 keli : Jánibek Álimhanuly - Krıstıan Zarate 91 keli : Vasılıı Levıt - Dıego Blanke
Qos komandanyń tartysty jekpe-jegin «www.aibaboxingtv.com» saıtynan onlaın-rejımde kórýge bolady. Muhıttyń arǵy jaǵynda ótetin osy kezdesýdiń jazbasha nusqasyn «Habar» telearnasy 19 sáýir kúni 23 saǵat 30 mınýtta qazaqstandyq kórermender nazaryna usynady dep kútilýde.
