«Astana Arlandary» 13-shi jeńiske qol jetkizdi
ASTANA. QazAqparat - Búkilálemdik boks serııasynda (WSB) óner kórsetetin qazaqstandyq «Astana Arlandary» klýbynyń boksshylary qatarynan 13-shi jeńisine qol jetkizdi.
Býenos-Aıreste jergilikti «Argentına Kondorlaryna» qarsy shyqqan qazaq boksshylary qarsylastarynan 4:1 esebimen basym tústi.
Bul matchta alǵashqy bolyp shyqqan Jomart Erjan qarsylasy Leonardo Zarateden 3-0 esebimen jeńilgen bolatyn. Degenmen keıin Qaırat Eralıev Djonatan Sanchesti aıqyn basymdylyqpen jeńip ketti. Komanda kapıtany Samat Bashenov Lýkas Hımenesti tuqyrtsa, Jánibek Álimhanuly Krıstıan Zarateden basym tústi. Asa aýyr salmaqta Vasılıı Levıt Dıego Blankony nokaýtpen jeńdi.
