«Astana-Arqaý» festıvali 6 eldiń án dástúrin biriktirdi
ASTANA. 7 shilde. QazAqparat - Kópshilikti «Astana-Arqaý» túrik mýzykasynyń festıvali úlken áserge bóledi. Túrkııa, Ázirbaıjan, Qyrǵyzstan,
Ózbekstan jáne Túrkimenstannan kelgen 400 mýzykant Astana sahnasynda ózderiniń dástúrli ónerlerin kórsetti.
«400-den astam ártis shaqyrylyp edi, solardyń barlyǵy da keldi. Aýa raıynyń qolaısyzdyǵyna qaramastan, sheteldik qonaqtar da ýaqytynda jetti. Biz soǵan qýanyshtymyz»,-deıdi festıval uıymdastyrýshysy Igor Frolov.
astana.kz saıtynyń jazýynsha, kontserttiń negizgi taqyryptarynyń biri - «folklorly ómir» dep atalady. Mýzykasy jeke aspaptan bastap epıkalyq shyǵarmalarǵa deıin san túrli janrlarda usynylyp otyr. Festıval qonaqtary «Hýýn Hýýr Tý», «Ot Ene», «Navo» toptary jáne basqa da ánshiler men ujymdardyń tamasha mýzykalyq kompozıtsııalaryn kórip, qulaq quryshyn qandyrar áýenderin tyńdady.
Túrki mýzykasynyń festıvalin «Hýýn Hýýr Tý» toby japty. Elorda turǵyndary men qonaqtary 6 shildede «Han shatyr» SOO-da týva tobynyń jan jadyratar kómeı ánderinen taǵy bir sýsyndady.
