«Astana-Arenanyń» Eýro-2020 matchyn ótkizý jolyndaǵy tartysta bir básekelesi azaıdy
ASTANA. QazAqparat - Rımdegi Olımpıada stadıony fýtboldan 2020 jylǵy Eýropa chempıonatyn ótkizý jarysyna Italııa bergen ótimdegi jalǵyz arena bolyp qalmaq, dep habarlaıdy vesti.kz.
2013 jyldyń qańtar aıynda ÝEFA-nyń atqarýshy komıteti 2020 jylǵy Eýropa chempıonatynyń aqtyq matchtary burynǵydaı bir nemese eki memlekette emes, Eýropanyń birqatar elderiniń 13 qalasynda ótetini málimdegen bolatyn. Aldyn ala tizimge 39 qala engizildi. Italııa Rım men Mılandaǵy «Inter» men «Djýzeppe Meatstsa» stadıondaryn usynǵan bolatyn.
«Rımdegi Olımpıada stadıony eldegi ÝEFA-nyń talaptaryna saı keletin, halyqaralyq jarystardy ótkizýge laıyqty jalǵyz arena bolyp tabylady. Eger «Stadıo Olımpıko» tańdalyp alynsa, bizge onda qaýipsizdik máselesine qatysty birqatar tehnologııalyq jumystardy júrgizýge týra keledi», - dedi Italııanyń ulttyq olımpıada komıtetiniń prezıdenti Djovannı Malago.
«Aıta keteıik, ÝEFA-nyń atqarýshy komıteti jarys ótetin qalalardyń naqty tizimin 2014 jyldyń 25 qyrkúıeginde bekitedi. Matchtardy ótkizýge nıet bildirip otyrǵan úmitkerlerdiń arasynda qazaqstandyq «Astana-Arena» stadıony da bar» delingen habarlamada.
