«Astana Arenada» ótetin Jennifer Lopez kontserti kezinde qozǵalys ýaqytsha shekteledi
ASTANA. KAZINFORM — 1 tamyz kúni elordadaǵy «Astana Arena» stadıonynda álemge áıgili amerıkalyq ánshi Jennifer Lopez óziniń «Up All Night» atty álemdik týry aıasynda óner kórsetedi, dep habarlaıdy elorda ákimdiginiń resmı saıty.
Aýqymdy kontserttiń ótýine baılanysty qoǵamdyq qaýipsizdikti qamtamasyz etý, qonaqtardyń yńǵaıly kelip-ketýi men qozǵalysyn uıymdastyrý maqsatynda «Astana Arena» stadıony mańyndaǵy «Alaý» muz saraıy men «Saryarqa» velotregi jaǵynan avtokólik qozǵalysy ýaqytsha shekteledi.
Kólikti kelesi oryndarǵa qoıýǵa bolady: «Astana Arena» stadıony, «Alaý» muz saraıy, «Barys Arena» muz aıdyny, «Saryarqa» velotregi, Botanıkalyq baq (Buqar jyraý jáne Orynbor kósheleri jaǵynan), Kereı men Jánibek handar kóshesi jáne basqa da turaq oryndary.
Jennifer Lopez kontsertine kelýshilerdiń yńǵaılyǵy úshin qala boıynsha bes orynnan «Astana Arena» stadıonyna jáne keri baǵytta qatynaıtyn arnaıy shattl-avtobýstar qatynaıdy:
- Astanalyq tsırk turaǵy;
- «Áziret Sultan» meshitiniń turaǵy;
- «QAZAQSTAN» sport kesheniniń turaǵy;
- Turan dańǵyly jaǵynan Ortalyq saıabaqtyń turaǵy;
- «Bas meshit» turaǵy.
Shattl-bastar kontsert bastalǵanǵa deıin jáne aıaqtalǵannan keıin eki baǵytta qatynaıdy. Keptelister men turaq máselesine tap bolmas úshin festıval kórermenderi qoǵamdyq kólikpen qatynaǵany jón.
Aıta keteıik, opera ánshisi Áıgerim Altynbek Italııadaǵy halyqaralyq baıqaýdyń fınalyna ótti.