21:00, 31 Shilde 2025 | GMT +5
«Astana Arenada» Djeı Lonyń kontsertine sońǵy daıyndyq jumystary júrgizilip jatyr
ALMATY. KAZINFORM – «Astana Arenada» álemdik estrada juldyzy Djennıfer Lopestiń 1 tamyzda ótetin kontsertine daıyndyq jumystary aıaqtalýǵa jaqyn, dep habarlaıdy Kazinform tilshisi.
Arenada sahna, sondaı-aq shoýǵa qajetti barlyq qural-jabdyq ornatylǵan.
Stadıon ishinde jumysshylar montajdaý jáne daıyndyq jumystaryn pysyqtap jatyr.
Sport nysanynyń janyna ýaqytsha qorshaýlar ornatyldy. Polıtsııa qyzmetkerleri mańaıdaǵy tártipti qamtamasyz etip jatyr.
Aıta keteıik, Djennıfer Lopestiń Qazaqstan astanasyndaǵy óner kórsetýi onyń «Up All Night» álemdik týrnesiniń bir bóligi bolmaq. Kontsertke 50 myńnan astam kórermen keledi dep kútilip otyr.