«Astana Arena» stadıonyndaǵy órt — TJD resmı túsinik berdi

ASTANA. KAZINFORM — Astana qalasynyń Tótenshe jaǵdaılar departamenti búgin túnde «Astana arena» stadıonynda bolǵan órtke qatysty túsinik berdi. 

— Túngi ýaqytta Astananyń Nura aýdany, Turan dańǵyly boıynda ornalasqan stadıonnyń shatyrynda órt shyqty. Shaqyrýdyń joǵary dárejesimen oqıǵa ornyna órt sóndirýshiler jetip, shatyrdyń metall qaptamasynyń astyndaǵy jylý oqshaýlaǵysh materıal janǵany anyqtaldy. Qyzyl jalyn tolyqtaı sóndirildi, — dedi TJD baspasóz qyzmeti.

Málimetke saı, órt 15 sharshy metr aýmaqty sharpyǵan. Zardap shekkender joq.

Aıta keteıik, búgin túnde «Astana Arena» stadıonynan órt shyqqanyn habarlaǵan edik. 

                                                                                                                                                                                                                                                                   Kamıla Múlik