«Astana Arena» stadıony men «Saryarqa» velotregi arasyndaǵy jol jóndeledi
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Qabanbaı batyr dańǵyly men Turan dańǵylyn jalǵaıtyn «Astana Arena» stadıony men «Saryarqa» velotregi arasyndaǵy jergilikti jol tóseminiń joǵarǵy qabatyn tóseý boıynsha jumys júrgizedi.
Elorda ákimdigi resmı saıtynyń málimetinshe, jol jóndeý jumystaryna baılanysty, 13-15 tamyz kúnderi aralyǵynda joǵaryda atalǵan ýchaske tolyǵymen jabylady. Bul rette Qabanbaı batyr jáne Turan dańǵyldary ashyq bolady, avtokólik quraldarynyń qozǵalysy irgeles kóshelerde júzege asyrylady.
Mekeme qala turǵyndary men qonaqtarynan joldaǵy keptelisti boldyrmaý maqsatynda óz marshrýttaryn aldyn ala josparlaýdy suraıdy.
Eske sala keteıik, buǵan deıin LRT qurylysyna baılanysty Astanada birneshe kóshe jabylatynyn jazǵan edik. Sondaı-aq qaladaǵy Saryarqa dańǵylynyń ýchaskesi ishinara jabylady.
