«Astana Arena» mańyndaǵy qos dańǵyldy jalǵaıtyn jol jabyldy

ASTANA. KAZINFORM — Astana qalasynyń kólik jáne jol-kólik ınfraqurylymyn damytý basqarmasy «Astana Arena» stadıonynyń mańyndaǵy Qabanbaı batyr jáne Turan dańǵyldaryn jalǵap turǵan jolǵa ortasha jóndeý jumystary júrgiziletinin habarlady.

Osyǵan baılanysty 16-19 shilde aralyǵynda joǵaryda atalǵan ýchaske tolyǵymen jabylady. 

Bul rette Qabanbaı batyr jáne Turan dańǵyldary ashyq bolady, avtokólik qozǵalysy irgeles kósheler arqyly júzege asady.

«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten.