Astana ardagerlerine bir jolǵy kómek kórsetý úshin 127,5 mln teńge bólinedi
Bul týraly Nur-Sultan qalasynyń Jumyspen qamtý jáne áleýmettik qorǵaý basqarmasynyń ókili Aıgerim Qudaıbergenova aıtty.
«Eńbek jáne halyqty áleýmetti qorǵaý mınıstrliginiń usynymdaryna sáıkes, ardagerler keńesiniń usynymy boıynsha Ekinshi dúnıejúzilik soǵystaǵy Jeńis kúnine oraı elimiz boıynsha jyl saıynǵy bir joldyq materıaldyq kómektiń mólsherin biryńǵaı deńgeıde belgileý usynyldy. Osylaısha áleýmettik kómekti arttyrý mynandaı sanattardy kózdeıdi», - degen ákmidik ókili bıyl tólenetin kómek úsh sanat boıynsha da birneshe ese artatynyn jetkizdi.
«Birinshi, jeńildikter boıynsha Ekinshi dúnıejúzilik soǵys ardagerlerine 9 aılyq eseptik kórsetkishten 35 AEK-ke deıin ulǵaıtýdy;
Ekinshi, basqa memleketterdiń aýmaǵyndaǵy urys qımyldarynyń ardagerlerine 9 AEK-ten 20 AEK-ke ulaǵaıtýdy jáne de basqa sanattarǵa jatatyn Eńbek ardagerlerine 4,5 AEK-ten 11 AEK-ke deıin ulǵaıtýdy usynamyz. Joǵaryda kórsetilgen áleýmettik kómekti iske asyrǵan jaǵdaıda bıyl qala bıýdjetinen osy maqsattarǵa 127,5 mln teńge talap etiledi», - dedi Aıgerim Qudaıbergenova.
