Astana ardagerleri «Báıterek» alańyna jınalyp, Ánuran oryndady

ASTANA. QazAqparat - Astana qalasynda elordalyq «Ardagerler uıymy», «Aq kımeshek – kıelim» belsendi uzaq ómir súrý ortalyǵynyń ardagerleri, sol sııaqty aqjaýlyqty analarymyz jurtshylyqty Respýblıka kúnimen quttyqtap, patrıottyq chellendjdi jalǵastyrdy, dep habarlaıdy QazAqparat elorda ákimdiginiń resmı saıtyna silteme jasap.

Respýblıka kúni araǵa kóp jyldar salyp halqymyzǵa qaıta oralǵan mańyzdy merekelerdiń biri de biregeıi.

Ulttyq mereke qarsańynda elorda tórinde jurt súısinerlik is-shara ótti. Táýelsizdikti tý etken aqjaýlyqty analarymyz, danalyqtyń bastaýy – ardager ata-ájelerimiz «Báıterek» monýmenti alańyna jınalyp, QR Memlekettik ánuranyn áýelete shyrqady. Ashyq aspan astynda táýelsizdigimiz ben egemendigimizdi jalyndy, jigerli únmen jetkize otyryp, halqymyzdy Respýblıka kúnimen quttyqtady.

Іs-shara sońy «Aq kımeshek – kıelim» analarynyń tóraıymy, ánshi, QR eńbek sińirgen qaıratkeri Araılym Rahymqyzynyń aq tilegimen túıindeldi.

Aıta keteıik, Astana qalasynda Respýblıka merekesine oraı patrıottyq chellendj bastalǵan bolatyn.

Foto: gov.kz