«Astana»-«APOEL» matchynyń barlyq bıletteri satylyp ketti
ASTANA. QazAqparat - «Astana» FK men «APOEL» komandasy arasyndaǵy Chempıondar lıgasynyń matchyna satylymǵa kelip túsken barlyq bıletter satylyp ketti, dep habarlanǵan «Astana» fýtbol klýbynyń resmı saıtynda.
ÝEFA Chempıondar lıgasynyń pleı-off raýndynyń alǵashqy matchyna bıletterdi satatyn saýda oryndarynyń derekterine súıensek, barlyq bıletter satylyp ketken. Bıletter «Meloman» dúken jelileri men «Astana Arena» stadıonynyń kassalarynda satylǵan. Satylymǵa barlyǵy otyz myń bılet kelip túsken.
Eske salsaq, Qazaqstan men Kıpr chempıondary arasyndaǵy oıyn búgin, 18 tamyzda «Astana Arena» stadıonynda ótedi. Bastalýy saǵat 22.00-de.
