«Astana» - APOEL matchy kezinde jankúıerler sanynyń jańa qazaqstandyq rekordy tirkeldi
ASTANA. QazAqparat - «Astana» - APOEL matchy kezinde eýrokýbok synyna qazaqstandyq komandalardyń óz alańynda ótkizgen kezdesýlerinde buryn-sońdy bolmaǵan kelýshiler sanynyń jańa rekordy tirkeldi.
Bul týraly Sports.kz. jazady.
«Astana» - APOEL matchy kezinde «Astana Arena» stadıonyna 30 000 jankúıer jınaldy. Buǵan deıin kórermen eń kóp jınalǵan oıyn retinde «Shahter» - «Seltık» matchy sanalyp kelgen. Ol joly 29 950 adam oıyndy tamashalaýǵa kelgen edi.
Eń kóp kórermen jınalǵan EK synyndaǵy qazaqstandyq komandalardyń óz alańyndaǵy oıyndarynyń tizimi:
1. «Astana» (Astana) - APOEL (Kıpr). «Astana Arena». 30 000 kórermen;
2. «Shahter» (Karaǵandy) - «Seltık» (Shotlandııa). «Astana Arena» 29 950 kórermen;
3. «Astana» (Astana) - HIK (Fınlıandııa). «Astana Arena» 27 937 kórermen;
4. «Astana» (Astana) - «Vılıarreal» (Ispanııa). «Astana Arena» 27 500 kórermen;
5. «Astana» (Astana) - «Marıbor» (Slovenııa). «Astana Arena» 23 650 kórermen.
