«Astana» - APOEL kezdesýinde majarstandyq tóreshi tórelik etedi
ASTANA. QazAqparat - 18 tamyz kúni elordada «Astana Arena» stadıonynda «Astana» - APOEL komandalary arasynda pleı-off kezeńiniń birinshi oıyny ótedi. Onda 39 jastaǵy majarstandyq tóreshi Vıktor Kashshaı tórelik etedi, dep jazady Sports.kz.
Oǵan Gorgı Rıng pen Ventsel Tot kómektesedi.
Kashshaı 1999 jyldan beri Majarstan chempıonaty matchtarynda tórelik etip keledi. Soltústik Irlandııada ótken 19 jasqa deıingi jastar arasyndaǵy chempıonatta, Kanadada 2007 jyly jastar komandalary arasyndaǵy álem birinshiliginde, 2009 jyly Nıgerııada ótken 17 jasqa deıingi jasóspirimder chempıonatynda, taǵy da kóptegen basqa dodalarda tórelik jasaǵan.
2008 jyly Pekınde ótken jazǵy Olımpıadada oǵan fınaldyq oıyndy senip tapsyrǵan. 2010 jyly OAR-da álem chempıonatyna da atsalysqan. 2011 jyly ChL fınalynda «Barselona» men «Manchester ıÝnaıted» arasyndaǵy oıynǵa tórelik etken.
