«Astana» - APOEL qarymta matchy elordadaǵy «Qazmedıa ortalyǵynyń» úlken ekrandarynan kórsetiledi
ASTANA. QazAqparat - Sońǵy jyldary Qazaqstandyq fýtboldyń álemdik fýtbol olımpinde bedelge ıe bolýy úshin kóp jumys jasaldy.
18 tamyzda ÝEFA chempıondar lıgasynyń pleı-off kezeńinde «Astana» fýtbol klýby men kıprlik «APOEL» klýbynyń oıyny astanalyqtardyń jeńisimen aıaqtaldy. Jankúıerler astanalyq komandanyń jeńisine qatty qýandy. Bul match óte tartysty ótti. Fýtbol matchy trıbýnasynan jastardyń kóp kórinýi jaǵymdy jaıt, dep habarlaıdy Astana qalasy ákimdiginiń baspasóz qyzmeti.
Qarymta oıyn búgin, 26 tamyzda Nıkosııada ótedi. Ókinishke oraı, kóptegen jankúıerler men fýtbol súıer qaýym atalmysh matchqa bara almaıdy, sondyqtan, buqaralyq onlaın-kórsetilim uıymdastyrylady.
«Astana» men APOEL arasyndaǵy qarymta match tamyzdyń 26-nan 27-ne qaraǵan túni saǵat 00:45-te «Qazmedıa ortalyǵynyń» úlken ekrandarynan kórsetiledi.
