Astana - APOEL fýtbol matchyn 30 myńǵa jýyq jankúıer tamashalaıdy
ASTANA. QazAqparat - Tamyzdyń 18 kúni saǵat 22:00-de «Astana Arena» stadıonynda Chempıondar lıgasynyń pleı-off kezeńindegi birinshi fýtbol matchy - «Astana» men APOEL (Kıpr) arasyndaǵy kezdesý ótedi. «Astana Arena» stadıonyna kirý bılet boıynsha júzege asady.
Astana qalasy ІІD Ákimshilik polıtsııa basqarmasy basysynyń orynbasary E. Chýpekovtiń aıtýynsha, saǵat 20:00-den bastap match bitkenge deıingi aralyqta Qabanbaı batyr dańǵyly men Turan aýmaǵynda, sondaı-aq, Kereı-Jánibek handar men Hýseın Ben Talal kóshelerinde jol qozǵalysy shekteledi. Aınalyp ótý marshrýty - Orynbor kóshesi.
Atalmysh fýtbol matchyn tamashalaýǵa 30 myńnan astam jankúıer keledi dep kútilýde.
Kórermenderdi jınaý jáne jetkizý úshin Astana qalasy ákimdigi bólgen arnaıy avtobýstar qatynaıdy. Atap aıtqanda, atalmysh qoǵamdyq kólikter «Qazaqstan» sport kesheni, «Saltanat Saraıy», Elordalyq tsırk, «Áziret Sultan» jáne «Nur Astana» meshiti jáne Q. Muńaıtpasov atyndaǵy stadıon turaǵy aldynda turady. Odan bólek, №10, 12, 27, 28, 30, 40, 43, 51 jáne 61 avtobýstary qatynaıdy.
Sonymen qatar, qoǵamdyq tártip pen fýtbol matchy kezindegi qaýipsizdikti saqtaý úshin QR ІІM Ulttyq gvardııasynyń 2 myńǵa jýyq sarbazy kúsheıtilgen rejımde óz qyzmetterin atqarady, dep habarlaıdy ákimdiktiń resmı saıty.
