«Astana-Antalııa» reısi: iri kólemde eýro, rýbl jáne dollar alyp ótpek bolǵan jolaýshy ustaldy

ASTANA. QazAqparat - «Astana-Antalııa» baǵytyndaǵy halyqaralyq reısin rásimdeý kezinde jolaýshylardyń birinen 92 855 eýro, 28 750 rýbl, 9 510 AQSh dollary mólsherinde aqsha anyqtaldy, dep habarlaıdy QR UQK baspasóz qyzmeti.

«2023 jylǵy 9 mamyrda «Astana» ótkizý pýnktinde Shekara qyzmeti jáne «Astana-Áýejaı» kedendik beketiniń birlesken is-qımyldarynyń arqasynda iri kólemdegi deklaratsııalanbaǵan valıýtany ótkizý áreketiniń joly kesildi.

«Astana-Antalııa» baǵytyndaǵy halyqaralyq reısin rásimdeý kezinde jolaýshylardyń birinen 92 855 evro, 28 750 rýbl, 9 510 AQSh dollary mólsherinde aqsha anyqtaldy» delingen habarlamada.

Ustalǵan adam tekseris júrgizý úshin kedendik beket qyzmetkerlerine berildi.