Astana – Ankara arasynda tikeleı avıareıs ashyldy

ASTANA. QazAqparat – «Astana – Ankara» arasyndaǵy tikeleı áýe reısiniń alǵashqy jolaýshylary tasymaldandy, dep habarlaıdy QazAqparat QR Indýstrııa jáne ınfraqurylymdyq damý mınıstrligine silteme jasap.

Búgin, 5 jeltoqsan kúni Qazaqstan men Túrkııa astanalary arasynda tikeleı áýe reısiniń ashylýyna arnalǵan saltanatty shara ótti. Oǵan Azamattyq avıatsııa komıtetiniń tóraǵasy Talǵat Lastaev, Túrkııanyń Qazaqstandaǵy Tótenshe jáne ókiletti elshisi Ýfýk Ekıchı, «AnadoluJet» kompanııasynyń marketıng jónindegi dırektory Ahmet Tsyldyz, «Nursultan Nazarbaev halyqaralyq áýejaıy» AQ prezıdenti Dáýlet Hamzın qatysty.
Astana men Ankara arasyndaǵy reıster aptasyna 2 ret jıilikpen B-737 úlgisindegi áýe kemelerimen júzege asyrylady. Tasymaldaýshy —
«Turkish Airlines» túrik áýe kompanııasynyń enshiles kásiporny bolyp tabylatyn «AnadoluJet».
Alǵashqy reıstermen 140 jolaýshy ushyp kelip, 157 jolaýshy ushyp barǵan.