«Astana» amerıkalyq basketbolshyny qataryna qosty
ASTANA. QazAqparat - «Astana» basketbol klýby amerıkalyq qorǵaýshy Stefan Holtpen 2018/2019 jylǵy maýsymnyń sońyna deıin kelisimshart jasasty, dep habarlaıdy QazAqparat «SPORTINFORM»-ǵa silteme jasap.
27 jastaǵy basketbolshy buǵan deıin Aýstralııanyń «Býllets» komandasynda óner kórsetken. Keshe ǵana dáriger qaraýynan ótken sportshy búgin jattyǵýlarǵa kirispek.
Aıta keteıik, Stefan Polshada «Astananyń» qazirgi bas bapkeri Emıl Raıkovıchtiń qolastynda óner kórsetken bolatyn. Sonda 18 matchta ortasha 9,3 upaı, 2,2 dop alý jáne 1,7 nátıjeli pas bergen.
Bapkerler shtaby Holttyń kelýi Entonı Klemmonstyń júgin jeńildetip, rotatsııa múmkindikterin keńeıtedi dep senip otyr.
