Astana, Almaty jáne Oral turǵyndary Atyraýda memlekettik nysandardy satyp alǵan

ATYRAÝ. QazAqparat - Atyraý oblysynda 2017 jyly jekeshelendirý aıasynda 15 nysan satylymǵa shyǵaryldy, dep habarlaıdy QazAqparat tilshisi.

«Kommýnaldyq jekemenshik 15 nysannyń 13-i jekeshelendirildi. Olardyń satylǵan jalpy baǵasy - 1 mıllıard 79 mıllıon teńge. «Salaýatty ómir saltyn qalyptastyrý ortalyǵy» JShS, «Atyraý» voleıbol klýby, «Atyraý Genplan» kompanııasy, «Atyraý» sý sporty túrleri kýby», «Beıbarys» hokkeı klýby jáne basqalary jekeshelendirildi», - dedi oblys basshysynyń orynbasary Aıgúl Ájǵalıeva óńirlik kommýnıkatsııalar qyzmetindegi brıfıngte.

Sondaı-aq, ol 6 iri nysandy Astana, Almaty jáne Oral turǵyndary satyp alǵanyn aıtty. Qalǵandaryn oblys turǵyndary jekeshelendirgen.