Astana-Almaty poıyzynda bir jolaýshy kóz jumdy
ASTANA. QazAqparat - Astana-Almaty baǵytyndaǵy poıyzda sapar shegip kele jatqan bir er adam qaıtys boldy.
«Jolaýshylar tasymaly» AQ baspasóz qyzmetiniń basshysy Tımýr Asylhanov habarlaǵandaı, oqıǵa fırmalyq №9-10 «Báıterek» poıyzynda oryn alǵan. Shý stansasyna jaqyndaı bergende jolaýshylardyń biri ózin jaısyz sezingen.
Jolserikter ratsııamen «jedel járdem» shaqyrtqan. Shý stansasyna kelgen medbıkeler naýqasqa alǵashqy medıtsınalyq kómek kórsetip, klınıkaǵa jatqyzýǵa usynys jasady. Alaıda, er adam aýrýhanaǵa barýdan bas tartyp, ári qaraı jol júrip ketken.
Biraz ýaqyttan soń ózin taǵy da jaısyz sezingen jolaýshy poıyzdyń Almatyǵa kelýine bir saǵat qalǵanda qaıtys bolǵan.
