Astana, Almaty men ShQO-nyń úsh qalasynda aýa sapasy nasharlaýy múmkin

ASTANA. QazAqparat – 21 sáýirde elimizdiń 5 qalasynda qolaısyz meteorologııalyq jaǵdaı qalyptasady, dep habarlaıdy QazAqparat «Qazgıdromet» RMK-ge silteme jasap.

«Qazgıdromet» boljamy boıynsha, Qazaqstannyń 5 qalasynda – Astana men Almaty jáne Óskemen, Semeı, Rıderde qolaısyz meteorologııalyq jaǵdaılar qalyptasýy múmkin.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.