«Astana-Almaty» baǵytynda qosymsha poıyz qatynaı bastady

ASTANA. QazAqparat - Aýa raıynyń qolaısyzdyǵyna jáne avtomobıl tas joldarynyń jabylýyna baılanysty temirjolshylar kúsheıtilgen rejimde jumys isteýde.

Bul týraly QazAqparat «Jolaýshylar tasymaly» AQ baspasóz qyzmetine silteme jasap habarlaıdy.

«Jolaýshylardyń dittegen jerine der ýaqytynda jetýin qatmamasyz etý úshin sońǵy 3 táýlikte poıyzdarǵa qosymsha 57 vagon tirkeldi. Mundaı shara 5 myńnan astam jolaýshyny qosymsha tasymaldaýǵa múmkindik berdi. Buǵan qosa, 26 qańtardan bastap №152-151 «Astana-Almaty»  qosymsha poıyzy shyǵaryldy, ol kúnara júretin bolady», - delingen habarlamada.

Kompanııa aqparatyna sáıkes temir jol kóligi táýligine 40 myńnan astam jolaýshy tasymaldaıdy.