Astana-Almaty áýe reısinen mas reseılik túsirildi

ASTANA. QazAqparat - Astana qalasy áýejaıynyń jelilik polıtsııa bólimshesine «Eır-Astana» kompanııasynyń ókilinen Astana-Almaty baǵytynda qatynaıtyn ushaq bortynda quqyq buzýshy bar ekendigi týraly habarlama túsken, dep habarlaıdy QazAqparat tilshisi.

«Kólik polıtsııasy tekserý barysynda Reseı Federatsııasynyń 65 jastaǵy azamatyn anyqtady. Mas kúıdegi erkek ózin dóreki ustap, bortserikterdiń eskertýine qulaq aspaǵan. Osylaısha ol jolaýshylardyń tynyshtyǵyn buzǵan. Mán-jaıdy anyqtaý  úshin ol atalǵan áýe reısinen túsirildi», - delingen kóliktegi polıtsııa departamentiniń baspasóz qyzmeti taratqan aqparatta.

Vedomstvo aqparatyna sáıkes, medıtsınalyq kýálandyrý qorytyndysy boıynsha reseılik ortasha deńgeıde mas bolǵan. Quqyq buzýshynyń ústinen QR Ákimshilik quqyq buzýshylyq týraly kodeksiniń 440-baby boıynsha  ákimshilik  hattama toltyrylyp, 5 aılyq eseptik kórsetkish (12025 teńge) kóleminde aıyppul salyndy.

Esterińizge sala ketsek, osy jyldyń basynan beri elimizdiń áýe jáne temir jol kólikterinde Kóliktegi polıtsııa departamentiniń qyzmetkerleri 51 317 quqyq buzýshyny ákimshilik jaýapqa tartty. Olardyń ishinde 6135 ahamat qoǵamdyq oryndardy ishimdik ishken nemese mas kúıde bolǵan.