Astana, Almaty jáne birqatar óńirde aýa raıyna baılanysty eskertý jarııalandy

ASTANA. KAZINFORM - Qazgıdromet elimizdiń birneshe óńirinde aýa raıy kúrt buzylatynyn eskertti. Aldaǵy ýaqytta jańbyr men qar jaýyp, tuman túsip, kóktaıǵaq bolady, jel soǵyp, kpini sekýndyna 15–20 metrge deıin jetedi.

Almaty qalasynda túnde jáne tańerteń tuman túsip, kóktaıǵaq bolýy yqtımal.

Astanada kúndiz jańbyr men qar jaýy, jaıaý burqasyn jáne kóktaıǵaq bolady. Jel ońtústik jáne ońtústik-batystan soǵyp, ekpini 15–20 m/s-qa deıin kúsheıedi.

Shymkentte kúndiz jańbyr jaýady. Ońtústik-batystan soǵatyn jeldiń ekpini 15–20 m/s-qa jetýi múmkin.

Abaı oblysynyń shyǵysynda túnde jáne tańerteń tuman túsedi. Jel shyǵys jáne ońtústik-shyǵystan soǵyp, oblystyń ońtústigi men ortalyǵynda ekpini 15–20 m/s-qa deıin kúsheıedi.

Aqmola oblysynyń batysy men soltústiginde túnde qar jaýyp, jaıaý burqasyn, kóktaıǵaq bolady, kúndiz jańbyr men qar aralas jaýyn jaýady. Keı jerlerde tuman túsedi. Jel ońtústik jáne ońtústik-batystan soǵyp, ekpini 15–20 m/s-qa jetedi.

Aqtóbe oblysynyń soltústiginde, shyǵysynda jáne ortalyǵynda túnde qar jaýyp, jaıaý burqasyn soǵyp, kóktaıǵaq bolady. Oblystyń ońtústigi men ortalyǵynda tuman túsedi. Jel batys jáne ońtústik-batystan soǵyp, ekpini 15–18 m/s-qa deıin barady.

Almaty oblysynyń soltústiginde, ońtústiginde jáne taýly aımaqtarynda tuman túsip, kóktaıǵaq bolady. Jel ońtústik-batystan soǵyp, keı jerlerde jyldamdyǵy sekýndyna 15–20 m/s-qa deıin kúsheıedi.

Atyraý oblysynyń batysynda, ońtústiginde jáne shyǵysynda tuman túsip, kóktaıǵaq bolady. Jel soltústik-batystan ońtústik-shyǵysqa aýysyp, kúndiz oblystyń soltústiginde ekpini 15–18 m/s-qa jetedi.

Shyǵys Qazaqstan oblysynyń soltústiginde túnde jáne tańerteń tuman túsedi. Jel shyǵys jáne ońtústik-shyǵystan soǵyp, oblystyń ońtústik-shyǵysynda ekpini 15–20 m/s-qa deıin kúsheıedi.

Jambyl oblysynyń ońtústik-batysynda, shyǵysynda jáne taýly aımaqtarynda kóktaıǵaq bolyp, tuman túsedi. Jel soltústik-shyǵystan ońtústik-batysqa aýysyp, ekpini 15–20 m/s-qa jetýi múmkin.

Jetisý oblysynyń shyǵysynda, ońtústiginde jáne taýly aýdandarynda tuman túsedi. Alakól kólderi mańynda jeldiń ekpini 15–20 m/s-qa, keıde 23–28 m/s-qa deıin jetýi yqtımal.

Batys Qazaqstan oblysynyń batysynda, soltústiginde jáne shyǵysynda jańbyr men qar jaýady, jaıaý burqasyn, kóktaıǵaq bolyp, tuman túsedi. Jel batystan ońtústikke aýysyp, ekpini 15–20 m/s-qa deıin kúsheıedi.

Qaraǵandy oblysynyń batysy men soltústiginde kúndiz jańbyr men qar jaýyp, jaıaý burqasyn men kóktaıǵaq bolady. Oblystyń soltústigi men shyǵysynda tuman túsedi. Jeldiń ekpini 15–18 m/s-qa deıin jetedi.

Qostanaı oblysynda túnde qar jaýyp, jaıaý burqasyn soǵady, kóktaıǵaq bolady, óńirdiń soltústiginde qalyń qar jaýýy múmkin. Kúndiz oblystyń soltústiginde, shyǵysynda jáne ońtústiginde jańbyr men qar aralas jaýyn jaýady. Jel 15–20 m/s-qa deıin kúsheıedi.

Qyzylorda oblysynyń soltústiginde, shyǵysynda jáne ortalyǵynda túnde jáne tańerteń kóktaıǵaq pen tuman bolady.

Mańǵystaý oblysynyń soltústiginde túnde tuman men kóktaıǵaq bolady. Kúndiz jeldiń ekpini 15–20 m/s-qa deıin jetýi múmkin.

Pavlodar oblysynyń batysynda kúndiz jańbyr men qar, jaıaý burqasyn jáne kóktaıǵaq bolady.

Soltústik Qazaqstan oblysynyń batysynda túnde qar jaýyp, boran soǵyp, kúndiz negizinen qar jaýady. Keı jerlerde tuman túsedi, jeldiń ekpini 15–20 m/s-qa deıin kúsheıedi.

Túrkistan oblysynyń taýly aımaqtarynda túnde jaýyn-shashyn, negizinen jańbyr jaýady. Kúndiz oblystyń birqatar bóliginde jańbyr, taýly óńirlerde nóser jaýyn jaýýy yqtımal. Keı jerlerde naızaǵaı oınap, tuman túsýi múmkin. Jeldiń ekpini 15–20 m/s-qa jetedi.

Ulytaý oblysynyń batysynda, soltústiginde jáne ortalyǵynda tańerteń jáne kúndiz jańbyr men qar jaýyp, jaıaý burqasyn men kóktaıǵaq bolady. Oblystyń birqatar aýmaǵynda tuman kútiledi.

Tarazdyqtar kún jylynsa sý basý qaýpi tónýi múmkin dep saq otyr.