«Astana – Almaty» tasjolynyń Aqmola oblysyndaǵy bóligi jóndelip jatyr
ASTANA. KAZINFORM – Aqmola oblysynda respýblıkalyq mańyzy bar «Astana – Almaty» avtojolynyń 917-946 shaqyrym aralyǵyndaǵy bóliginde ortasha jóndeý jumystary júrgizilip jatyr.
Jóndelip jatqan ýchaskeniń jalpy uzyndyǵy 29 shaqyrymdy quraıdy.
Joba aıasynda:
– 4 020 sharshy metr aýmaqta joldyń aqaýly bólikteri joıyldy;
– 15 shaqyrym aýmaqta 5 santımetrge deıin asfaltbeton jabyny jonyldy;
– 19,5 shaqyrymda qalyńdyǵy 7 santımetr bolatyn tómengi jabyn qabaty tóseldi;
– 11,5 shaqyrymda qalyńdyǵy 5 santımetr maıda túıirshikti asfaltbetonnan joǵarǵy jabyn qabaty salyndy;
– jol jıekterin nyǵaıtý jumystary júrgizilýde.
- Qazirgi ýaqytta jóndeý jumystary bekitilgen josparǵa sáıkes jalǵasyp jatyr.
Nysanda 10 arnaıy tehnıka men 10 maman jumyldyrylǵan, - dep jazdy QazAvtoJoldan.
Jaýaptylardyń aıtýynsha, ortasha jóndeý jumystary jol sapasyn jaqsartýǵa, qozǵalys qaýipsizdigin arttyrýǵa jáne júrgizýshilerge qolaıly jaǵdaı jasaýǵa baǵyttalǵan.
Aıta keteıik, Astananyń taǵy bir dańǵylynda jol jóndeý jumystary júrgiziledi.
