Astana áleýmettik medsaqtandyrý qoryna 81 mlrd teńge jarna jınalǵan
Áleýmettik medıtsınalyq saqtandyrý qory elorda fılıalynyń baspasóz qyzmeti málim etkendeı, elordalyqtar 2021 jyl bastalǵaly beri, ıaǵnı qańtar-shilde aralyǵynda medıtsınalyq saqtandyrý úshin 23,2 mlrd teńge jarna aýdarǵan.
Al shilde aıynda MÁMS úshin 3,5 mlrd teńge jarna tústi.
Nur-Sultan qalasy boıynsha 2017 jylǵy 1 shilde men 2021 jylǵy 31 shilde aralyǵynda medıtsınalyq saqtandyrý úshin jınaqtalǵan jarnanyń jalpy somasy - 81,3 mlrd teńge.
2021 jyldyń shilde aıynda medıtsınalyq saqtandyrý úshin elordalyqtar 3,5 mlrd teńge jarna aýdarǵan.
Onyń ishinde jumys berýshilerdiń aýdarymdary 1,6 mlrd teńgeden asady, al jeke kásipkerlerden túsken jarna 1,9 mlrd teńgege jýyq.
Osy jyldyń 31 shildesindegi jaǵdaı boıynsha 12740 adam biryńǵaı jıyntyq tólem (BJT) boıynsha MÁMS-ke jarna tólegen.
«Mindetti áleýmettik medıtsınalyq saqtandyrý úshin túsken barlyq jarna aýdarymdary, ıaǵnı jınaqtalǵan qarjy senimgerlik basqarý týraly jasalǵan kelisimshartqa sáıkes Ulttyq bankte saqtalady da, Mindetti áleýmettik medıtsınalyq saqtandyrý paketi sheńberindegi qyzmetter aqysyn tóleýge jumsalady», - deıdi «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
