Astana álemniń zııatkerlik 21 qalasynyń qataryna qosyldy
ASTANA. QazAqparat - Astana Intellektýaldyq qoǵamdastyqtar forýmy (AQSh) jyl saıyn ázirleıtin álemniń zııatkerlik 21 qalasynyń tizimine endi. Barlyq úmitkerlerdiń ishinen Top-21 engen álemniń úzdik zııatkerlik damyǵan qalasy anyqtalady. Astana da osy bedeldi ataqty ıelenýge úmitti. Bul týraly elorda ákimdiginiń baspasóz qyzmetinen habarlady.
Sonymen qatar, Astanadan basqa Top-21 AQSh-tyń bes qalasy, Avstralııa men Taıvannyń tórt qalasy, Kanadadan úsh qala jáne Brazılııa, Japonııa, Kenııa men Jańa Zelandııadan bir-bir qala engen. Qazaqstandyq qala tizimge birinshi ret qosylyp otyr.
Shaharlardy negizgi bes kórsetkish boıynsha baǵalaıdy. Naq osy kórsetkishter qandaı da bolmasyn qalanyń osy tizimdegi orny men básekege qabilettiligin anyqtaıdy. Bıylǵy jyldyń taqyryby - «Revolıýtsııalyq qoǵamdastyq». Ol qalalyq jáne óńirlik josparlaýdy jáne turǵyndardyń tirshilik áreketine áserin zertteýge negizdelgen. Osylaısha, bıylǵy qatysýshylar ınfraqurylymdyq damýy men qalalyq josparlaýǵa engiziletin ınnovatsııalary men qazirgi zamanǵy tehnologııalardyń deńgeıleri boıynsha baǵalanady.
Zııatkerlik qoǵamdastyqtardyń Top-21 qatysýshylary ózderi jaıly tolyq aqparat beredi, olardy táýelsiz zertteý fırmasy baǵalaıdy. 2015 jyly maýsym aıynda Toronto qalasynda (Kanada) ótetin shara barysynda osy qalalardyń biri úzdik zııatkerlik qoǵamdastyq bolyp resmı tanylady. Aıta keteıik, ótken jyly «Zııatkerlik qoǵamdastyq-2013» ataǵy kanadalyq Toronto qalasyna berildi.
