Astana álemge zamanaýı ýrbanıstıkanyń qandaı bolýy kerektigin kórsetip otyr - ýrbanıst
ASTANA. KAZINFORM – Astana álemge zamanaýı ýrbanıstıkanyń qandaı bolýy kerektigin kórsetip otyr. Bul týraly BIZDIÑ ORTA podkasynda Astana qalasy ýrbanıstıka ortalyǵynyń aǵa ýrbanısi Nurqoja Baýyrjanuly aıtty.
- Qazir sheteldik tájirıbege burynǵydaı birjaqty qarap, solardyń úlgisin alatyn kezeń birtindep artta qalyp keledi dep oılaımyn. Sebebi Astana búginde álemge zamanaýı ýrbanıstıkanyń qandaı bolýy kerektigin kórsetip otyr. Eýropadan, onyń ishinde Londonnan jáne basqa da qalalardan tájirıbeli ýrbanıster elordaǵa kelip, júzege asyrylyp jatqan jobalarǵa tańdanysyn bildirýde. Tipti «Biz osyndaı qalany armandap júr edik» degen pikirlerin de aıtyp jatyr. Óıtkeni olar qalanyń qandaı bolýy kerektigin teorııalyq turǵydan jaqsy biledi, alaıda Eýropada sol ıdeıalardy is júzinde júzege asyrý ońaı emes, - dedi Nurqoja Baýyrjanuly.
Onyń aıtýynsha, Eýropanyń kóptegen qalasyndaǵy kósheler at arbalar júrgen kezeńnen saqtalǵan. Sondyqtan olardyń keıbiri óte tar, jaıaý júrginshilerdiń ózi bir-birine jaqyn júrip ótýge májbúr. Al Astana jas qala bolǵandyqtan, munda zamanaýı ýrbanıstıkalyq sheshimderdi júzege asyrýǵa múmkindik mol.
– Qazirgi tańda bul múmkindikterdi tıimdi paıdalanýǵa jaǵdaı jasalyp otyr. Mysaly, Astana qalasynyń ákimi sáýlet salasynyń mamany bolǵandyqtan, qala Sondyqtan búginde Astana sheteldik tájirıbeni ǵana úırenetin qala emes, kerisinshe, óz tájirıbesin ózgelerge kórsete alatyn deńgeıge kóterilip keledi. Sheteldik mamandardyń elordaǵa kelip, júzege asyrylyp jatqan jobalarmen tanysýy – sonyń bir kórinisi, - dedi ol.
Onyń paıymynsha, qala qurylysynyń minsiz úlgisinde ǵımarattar negizinen 3-4 qabattan aspaýy kerek.