Astana álemdik mádenı ortalyqtardyń birine aınalýy tıis - reseılik ártis
ASTANA. QazAqparat - Astana álemdik mádenı ortalyqtardyń birine aınalýy tıis. Bul týraly QazAqparat agenttiginiń tilshisine bergen suhbatynda «Astana-Opera» memlekettik opera jáne balet teatrynyń solısi Artýr Kaıpkýlov málim etti. Ol búginde elordaǵa Bashqurtstan Respýblıkasynan kelip, jumys istep jatyr.
«Konkýrs barysynda Qazaqstan elordasyndaǵy keremet teatrǵa ótkenime óte qýanyshtymyn. Bizdiń halyqtar baýyrlas bolǵandyqtan men Qazaqstan jaıynda balalyq shaǵymda jıi estıtinmin. Atap aıtqanda, bizdiń mádenıet, dástúrimiz jáne ulttyq taǵamdarymyz óte uqsas. Astana ózge qalalarǵa uqsamaıdy jáne shahar ózindik ereksheligimen maǵan qatty unaıdy»,-deıdi Bashqurtstannyń eńbegi sińgen ártisi A. Kaıpkýlov.
Ol «Astana Operada» jumys istegen bir jylda kásibı turǵyda óte úlken tájirıbe jınaqtaǵanyn atap ótti.
«Men osynda álemdik juldyzdarmen jumys isteý múmkindigine qol jetkizdim. Osy oraıda teatr basshylyǵyna alǵysymdy bildirgim keledi. Sonymen qatar Astananyń budan ári de gúldene berýin jáne Qazaqstan elordasy álemdik mádenı ortalyqtardyń birine aınalýyn tileımin»,-dedi ol.
