Astana álemdik dinı lıderler dıalogynyń shyn mánindegi alańyna aınaldy - Senat spıkeri
ASTANA. 17 aqpan. QazAqparat - Búgin Parlament Senatynyń Tóraǵasy - Álemdik jáne dástúrli dinder lıderleri Sezi Hatshylyǵynyń Basshysy Qaırat Mámı
16-17 aqpanda Astanada bolǵan Sezd Hatshylyǵy jumys tobynyń otyrysyna qatysýshylardy qabyldady.
Kezdesý barysynda Qaırat Mámı dinaralyq únqatysýdy ilgeriletýge belsendi qatysqany úshin jumys tobynyń múshelerine alǵys aıtyp, «Memleket basshysy N. Nazarbaevtyń bastamasy boıynsha uıymdastyrylǵan Dinı lıderlerdiń sezderi bul ıdeıanyń kókeıkesti jáne der kezinde bolǵanyn kórsetetinin» atap ótti.
- «Astana álemdik dinı lıderler dıalogynyń shyn mánindegi alańyna aınaldy»,-dedi óz sózinde Senat Tóraǵasy. Sonymen qatar, spıker aldaǵy Álemdik jáne dástúrli dinder lıderleriniń IV Sezine qatysýshylar qabyldaýdy josparlap otyrǵan Qorytyndy qujattyń jobasy jónindegi kelisim boıynsha jumystardyń mańyzdy ekenin atap ótti.
Tóraǵa toqtalyp ótkendeı, 30-31 mamyrda Astanada ótkeli otyrǵan dinı lıderlerdiń IV Seziniń basty taqyryby «Adamzattyń tańdaýy - beıbitshilik jáne kelisim» bolyp belgilengen. «Yntymaq pen kelisimge qol jetkizý úshin dinaralyq únqatysýdyń mańyzdy qural bolatyny belgili. Al osy baǵyttaǵy jumys toby qyzmetiniń nátıjeleri aldaǵy Forýmdy tabysty ótkizý úshin septigin tıgizetin bolady», - dep senim bildirdi Senat Tóraǵasy.
