«Astana-Aqtóbe» QPL tarıhyndaǵy eń kóp adam jınalǵan oıyn boldy

ASTANA. KAZINFORM – «Astana» men «Aqtóbe» arasyndaǵy 25-týrdyń matchyna 28 211 kórermen jınalyp, Qazaqstan Premer-lıgasynyń tarıhyndaǵy eń kóp kórermen jınaǵan oıyn boldy, dep habarlaıdy KazFootball.kz.

Fýtbolshylar kórermenderdi qýantyp, óz aralarynda segiz gol soqty. «Astana» gol soǵýdan (5:3) jeńiske jetti.

Chınedý 10 (1:0), Jan 13 (1:1), Kamara 21 (2:1), Chınedý 34 (3:1), Sosa 40 (3:2), Grıpshı penaltıden 45+2 (4:2), Chınedý 50 (5:2), Shýshenachev 62 (5:3).

Endi elordalyq fýtbolshylar «Qaıratpen» chempıondyqqa talasý úshin Almatyǵa jol tartpaq.

Maýsymnyń basynda «Astana» – «Qaırat» matchy 26 myń jankúıer jınap, kelýshiler sany boıynsha ekinshi orynǵa shyqty. Kórermen sany boıynsha úshinshi orynda 2024 jyly ótken «Qaırat» – «Aqtóbe» matchy 22 804 kórermen jınaǵan.

Buǵan deıin «Qaırat» – «Pafos» matchynyń bıleti satylymǵa shyqqanyn jazǵan edik. 

Match 21 qazanda Ortalyq stadıonda saǵat 21:45-te ótedi.