Astana-Aqtaý baǵytyndaǵy ushaq qozǵaltqyshynyń isten shyǵýyna baılanysty kókke kóterilmeı jatyp, áýejaıǵa oraldy
ASTANA. 31 qazan. QazAqparat - Sársenbi jergilikti ýaqyt boıynsha 20.05-te Astana qalasynyń áýejaıyndaǵy jelilik polıtsııa bóliminiń kezekshi bólimine «QazAeroNavıgatsııa» RMK ushý boıynsha jetekshisi habarlasyp,
Astana-Aqtaý baǵytyndaǵy ushaqtyń reıs jasaý kezinde Ebraer-190 birinshi qozǵaltqyshy istemeı qalǵanyn aıtqan.
Kóliktegi ІІD baspasóz qyzmetinen habarlaǵandaı, ushý kezinde áýe kemesiniń bortynda 80 jolaýshy men ekıpajdyń 6 múshesi bolǵan.
Astana qalasynyń áýejaıyndaǵy jelilik polıtsııa bóliminiń jeke quramy aıaqtarynan tik turdy. Dabyl habaryn alǵan quramynda 10 adamy bar jedel tergeý toby men kezekshi bólim shuǵyl jetti.
Abyroı bolǵanda, 20:44-te Astana áýejaıynyń qoný turaǵyna ushaq aman-esen qaıta qondy. Qaza bolǵandar men zardap shekkender joq. Tekseris júrgizilip jatyr.
