«Astana-Aqtaý» baǵytynda ushqan ushaq qozǵaltqyshy isten shyǵyp, áýejaıǵa qaıtyp keldi
ASTANA. 31 qazan. QazAQparat - Keshe keshki saǵat 20.05-te Astana qalasynyń áýejaıyndaǵy jelilik polıtsııa bóliminiń kezekshi bólimine «KazAeroNavıgatsııa» ushý jónindegi basshysynan «Astana-Aqtaý» baǵytynda ushqan Ebraer-190 bortynyń oń qozǵaltqyshy jumys istemeı qalǵandyǵy týraly habarlama kelip tústi, dep habarlady QR ІІM Kóliktegi ІІD baspasóz qyzmetinen.
Ushý kezinde áýe kemesiniń bortynda 80 jolaýshy jáne 6 ekıpaj músheleri bolǵan.
Astana qalasy áýejaıyndaǵy jelilik polıtsııa bóliminiń (JPB) jeke quramy «Jınalý» dabyly boıynsha shaqyryldy, qoný kezinde jeke quramnyń 70 paıyzy jınaldy. Dabyl boıynsha oqıǵa ornyna 10 adamnan turatyn kezekshi jasaǵy jáne jedel-tergeý toby shyǵaryldy. Qoný orny qorshaýǵa alynyp, áýejaı qyzmetiniń barlyǵy saqadaı saı turdy.
Saǵat 20.44-te ushaq Astana qalasy áýejaıynyń turaǵyna sátti qondy. Zardap shekkender joq. Tergeý amaldary júrgizilýde.
