Astana – Aqtaý baǵytyndaǵy ushaqtan órt shyqty

ASTANA. KAZINFORM - Bul týraly FlyArystan áýe kompanııasynyń baspasóz qyzmeti málim etti.

- Búgin, 2025 jyldyń 23 aqpanynda, Astana – Aqtaý baǵytyndaǵy FS 7375 reısin oryndaý barysynda áýe kemesiniń joǵarǵy júk sóresinde jolaýshynyń sómkesinen órt shyqty. Órtti áýe kompanııasynyń bortserikteri jedel sóndirdi. Bortta 182 jolaýshy boldy. Áýe kemesi ushý pýnktine oralyp, qoný shtattyq rejımde júzege asyryldy. Oqıǵanyń barlyq mán-jaıy anyqtalǵannan keıin qosymsha aqparat beriledi, -delingen habarlamada.

Reıs Astana ýaqyty boıynsha 17:10-ǵa aýystyryldy. Barlyq jolaýshylarǵa bıletterin tegin qaıta brondaý nemese aqshasyn qaıtarý múmkindigi qoljetimdi.

Osyǵan deıin Qazaqstan ushaqtary qaýipsiz be, degen baǵytta arnaıy taldaý materıalyn jarııalaǵan edik.