«Astana Aqshamy» gazetine jańa bas redaktor taǵaıyndaldy
ASTANA. 28 qańtar. QazAqparat /Rýslan Ǵabbasov/ - Elorda ákimi Imanǵalı Tasmaǵambetovtiń ókimimen Astana qalasynyń Tilderdi damytý basqarmasy bastyǵynyń mindetin atqarýshy bolyp Erbol Erdembekuly Tileshov taǵaıyndaldy.
Astana ákimdiginiń málimetine qaraǵanda, ol buryn osy basqarmaǵa qarasty «Rýhanııat» ortalyǵy JShS-nyń dırektory qyzmetin atqarǵan. Tileshovke deıin basqarma bastyǵy bolǵan Orazkúl Asanǵazy 2012 jylǵy 15 qańtarda ótken QR Parlament Májilisiniń saılaýynda tómengi palata depýtaty bolyp saılandy.
«Rýhanııat» ortalyǵy JShS-nyń dırektory qyzmetine Amantaı Jarylqasynuly Shárip taǵaıyndaldy, ol buǵan deıin «Astana Aqshamy» gazetiniń dırektory-bas redaktory bolǵan. «Astana Aqshamy» gazetiniń bas redaktory qyzmetine Erbolat Tilekqabyluly Kamenov taǵaıyndaldy.
