Astana ákimdigi feldsher Uldana Myrzýannyń otbasyna járdemdesedi

ASTANA. KAZINFORM — Astana ákimdigi qaza tapqa qalalyq jedel medıtsınalyq járdem stantsııasynyń feldsheri Uldana Myrzýan otbasyna materıaldyq kómek kórsetedi. 

Qaza tapqan feldsherdiń otbasyna jan-jaqty qoldaý kórsetý josparlanǵan, onyń ishinde materıaldyq kómek kórsetý jáne jerleý rásimin uıymdastyrýǵa baılanysty shyǵyndardy óteý qarastyrylǵan. Sondaı-aq belgilengen tártippen saqtandyrý boıynsha ótemaqy tólenetin bolady, – delingen habarlamada.

Eske sala keteıik, buǵan deıin Astananyń Almaty aýdanynda, Táýelsizdik dańǵyly, 24B mekenjaıynda toǵyz qabatty turǵyn úıdiń qasbetinen kirpishten jasalǵan syrtqy qaptama men kondıtsıoner qondyrǵysy qulap, bes adam zardap shekkenin jazǵan bolatynbyz.

Keıin ǵımarat opyrylǵanda zardap shekken feldsherdiń jaǵdaıy óte aýyr ekeni aıtyldy.

Al búgin medıtsına qyzmetkeri kóz jumdy.

Sondaı-aq búgin Memleket basshysy qyzmettik boryshyn úlgili atqarǵany, qıyn-qystaý jaǵdaıda kórsetken erligi men janqııarlyǵy úshin Astana qalalyq jedel medıtsınalyq járdem stantsııasynyń feldsheri Uldana Qaldarhanqyzy Myrzýan (marqum) «Erligi úshin» medalimen marapattady.