Astana ákimdigi bólgen 526 grant pedagogıkalyq mamandyqtarǵa úlestirildi
ASTANA. KAZINFORM — Astana ákimdiginiń qaýlysymen 2025-2029 oqý jyldaryna arnalǵan joǵary jáne joǵary oqý ornynan keıingi bilimi bar kadrlardy daıarlaýǵa memlekettik bilim berý tapsyrysy bekitildi. Bul týraly elorda ákimdiginiń resmı saıty jazdy.
Pedagogıkalyq mamandyqtar boıynsha 526 grant bólindi. Onyń ishinde joǵary oqý oryndaryna pedagogıkalyq baǵyttarda (pedagogıka jáne psıhologııa, matematıka, ınformatıka, orys tili men ádebıeti, fızıka, arnaıy pedagogıka, psıhologııa) 265 grant ornalastyryldy.
UBT-dan ótip, «Pedagogıkalyq ǵylymdar» baǵyty boıynsha keminde 75 ball jınaǵan talapkerler pedagogıkalyq mamandyqtar boıynsha memlekettik bilim berý grantyna úmitker bola aldy.
Astana qalasy Bilim basqarmasynyń memlekettik bilim berý grantyna qujattardy qabyldaý 7-17 tamyz aralyǵynda joǵary oqý oryndary arqyly júrgizildi.
Nátıjeler 2025 jylǵy 21 tamyzda Astana ákimdiginiń jáne qalalyq Bilim basqarmasynyń saıttarynda jarııalandy.
Aıta keteıik, búgin Mınıstrlik júıedegi aqaýlarǵa baılanysty kolledjderge qujat qabyldaý merzimin uzartty.