Astana ákimi otstavkaǵa ketetini týraly aqparatty joqqa shyǵardy

ASTANA. KAZINFORM – Elorda ákimi Jeńis Qasymbek BAQ-ta jáne áleýmettik jelilerde taralǵan qyzmetten ketetini týraly qaýesetke qatysty túsinik berdi.

«Nura» aýdanynyń turǵyndarymen esep berý kezdesýinde qala basshysy mundaı aqparat shyndyqqa janaspaıtynyn aıtty.

— Qaýesetterge senbeńizder. Ondaı jalǵan aqparatqa qatysty túsinik berý de mańyzdy dep oılaımyn, - dedi Jeńis Qasymbek.

Búgin Astanada ákimniń halyqpen kezdesýi ótti. Іs-sharaǵa Úrker turǵyn alabynyń jáne Astananyń basqa aýdandarynyń turǵyndary qatysty.

Eske salsaq, elorda ákimi Jeńis Qasymbek LRT jelisin Qosshyǵa qaraı keńeıtý jospary týraly aıtyp berdi. Bul týraly qala basshysy Nura aýdanynda turǵyndarmen kezdesýde málimdedi.