Astana ákimi marafon kezinde joldy jabýǵa qarsy

ASTANA. KAZINFORM – Búgin elorda ákimi Jeńis Qasymbek «Almaty» aýdany turǵyndarymen kezdesip, azamattardy mazalaǵan saýaldarǵa jaýap berip jatyr.

Ákimmen kezdesý barysynda elorda turǵyny – Jyl saıyn qaladaǵy sporttyq is-sharalar men oǵan qatysatyn adamdardyń sany artyp keledi. Buryn marafonǵa qatysý úshin basqa elge baratynbyz. Qazir eki demalys saıyn úsh jarystan ótedi, qaısysyna barsaq dep tańdap otyramyz. Sizdiń oıyńyzsha, buqaralyq sport ári qaraı qalaı damýy tıis?, - dep turǵyn marafon kezinde kóshelerdi jabý máselesin qozǵady.

– Joldy jabýdy quptamaımyz. Aldaǵy ýaqytta taǵy birneshe jarys bolady. Ár jeksenbi saıyn Túrkistan, Aqmeshit, Qonaev kóshesin jabý durys emes. Jeksenbi kúni ótse de qala turǵyndarynyń kóbi narazylyq bildiredi. Sol sebepti qazir budan bas tartyp otyrmyz, múmkindiginshe marafondy aınalma joldarda, velosıped joldary men basqa da trotýarlarǵa shyǵaramyz. Belgili bir jospar bar, - dep jaýap berdi qala ákimi Jeńis Qasymbek. 

Aıta ketsek, jaqynda elorda ákimi Astanany jylytý maýsymyna daıyndaý jumystary kestege saı júrip jatqanyn aıtqan edi.