Astana ákimi LRT poıyzdaryn iske qosý ýaqyty men jol aqysyn málim etti

ASTANA. KAZINFORM — Keler aptada elordada LRT-nyń birinshi poıyzy relspen júrip ótedi. Bul týraly Astana ákimi Jeńis Qasymbek málim etti.

— 29-30 qyrkúıekte Ábý-Dabı stantsııasynan Máńgilik El baǵytyndaǵy kópirge qaraı stantsııalar aralyǵyndaǵy poıyzdy iske qosamyz dep josparlap otyrmyz. Aldaǵy ýaqytta kún saıyn jumys ýaqytyn, stantsııalar men poıyzdar sanyn arttyramyz. Jalpy, testileý úsh aıdan alty aıǵa deıin sozylady, — dedi Jeńis Qasymbek Parlament Májilisinde tilshiler suraǵyna jaýap bere otyryp.

Onyń aıtýynsha, qazan aıynda qosymsha segiz poıyz jetkiziledi, al 18 poıyzdyń barlyǵy jeltoqsanǵa deıin paıdalanýǵa beriledi.

— Keler jyldyń basynan poıyzdar tolyqtaı paıdalanýǵa berilmek. Jeltoqsannyń aıaǵyna deıin nemese qańtardyń ortasyna qaraı barlyq poıyz synaq rejıminde jumys isteıdi. Jol aqysynyń jobalyq quny — 200 teńge, — dedi ákim.

Budan buryn habarlanǵandaı, LRT poıyzdarynyń operatorlaryn daıarlaý baǵdarlamasynyń ekinshi kezeńi aıaqtaldy.